Roberto Vidal Bolaño. 17 de Maio de 2013

A pasada semana celebramos o festival das Letras Galegas. Este ano foi dedicado a Roberto Vidal Bolaño.
Se queredes aprender algo máis sobre o autor consultade estes enlaces:

• Páxina de Roberto Vidal Bolaño
• Bibliotecas escolares
• Wikipedia

Nós fixemos unha presentación resumindo brevemente os datos máis importantes da súa vida e obras e tamén representamos unha obra de teatro moi divertida: "O que fai o meu Bieito sempre vai ben feito".
Aquí vos quedan as fotos. Non esquezades estar atentos da web porque será onde se publiquen os vídeos.

TEATRO INTERCENTROS.

Un ano máis o noso centro participou nas Xornadas de Teatro Intercentros de Vigo.
Este ano o intercambio foi co colexio CEIP A DOBLADA.  Os rapaces e rapazas de alí visitáronnos e representaron para nós a obra  " O restaurante Farruco"
E, moi ilusionados, os chicos e chicas de 4º acudiron ao seu centro para deleitalos coa obra "O que fai o meu Bieito , sempre está ben feito1"
Unha obra xenial, ambientada na Galicia de fai uns anos, que nos divertiu e nos fixo rir a todos. ¡Felicidades polo voso traballo rapaces!!
O QUE FAI O MEU BIEITO SEMPRE ESTÁ BEN FEITO on PhotoPeach

Visita Centro de Interpretación das Illas Atlánticas e CAT

O 8 de Maio de 2013 fixemos unha excursión moi completa xa que fomos ao Centro de Interpretación das Illas Atlánticas e tamén ao Centro de Artesanía Tradicional. (E aínda tivemos tempo de xogar un pouco no parque da Praza do Rei).

O Centro de Interpretación das Illas Atlánticas está na Rúa Oliva, no Casco Vello de Vigo. Alí achegámonos aos catro arquipélagos que conforman o parque (Cíes, Ons, Sálvora e Cortegada) e aprendemos sobre os valores ambientais e etnográficos dos mesmos. Se queredes saber máis, premede neste enlace sobre o Museo e tamén neste sobre o Parque das Illas Atlánticas.

     

O Centro de Artesanía Tradicional acolle unha exposición de roupa elaborada mediante reciclaxe e estampación na súa planta alta e na planta baixa está dedicada ao oficio de cestería.

Aprendemos sobre os materiais que se utilizan (vimbios, madeira rachada...) e os obxectos que se elaboran (cestos, axóuxeres, nasas, patelas...).

Tamén fixemos unha práctica de cestería con vimbios, nun peixe decorativo.

Se queredes saber máis sobre o CAT, premede neste enlace.